馬體會失分被巴塞追到氣咳
西甲爭標形勢大逆轉，聯賽榜「一哥」馬德里體育會在昨晨作客以1:2不敵畢爾包，3分全失，近5場只得7分，已被同日贏波的巴塞羅那追至只差2分，但多打一場，難怪今季接掌「地上最強」的主帥朗奴高文豪言：「我哋距離奪冠踏前一大步喇！」
作客維拉利爾的巴塞羅那，今場雖然是先失守一方，在26分鐘被攻破大門，但憑法國前鋒基沙文在之後9分鐘內梅開二度，最終反勝2:1，近9場聯賽8勝1負，現以32戰71分與皇家馬德里並列次席，只落後馬體會2分，但巴塞較馬德里雙雄同樣打少一場，搶回爭標主動權。賽後朗奴高文表示：「每一場勝利都係向前邁進，我哋失守之後作出最好回應，完全未有緊張。我哋不斷進攻，同時做好防守，最終取得勝利。」
今季西甲爭標異常激烈，其中同日尚有第4位西維爾主場以2:1力克CF格蘭納達，亦追至僅落後馬體會3分，要反壓奪標仍未絕望。值得一提，這場「西格戰」球證在原定補時4分鐘只進行3分鐘後，提早鳴笛完場，主隊球員更已返回更衣室，但在客隊球員激烈抗議後，最終球證召回兩軍球員多踢1分鐘，可幸西維爾仍保住勝局。
