志偉替曾國祥打定輸數
無綫副總經理曾志偉前晚也有入錄影廠視察《開心大綜藝》節目錄影，提到奧斯卡頒獎禮昨日早上舉行，志偉兒子曾國祥執導的電影《少年的你》有份入圍角逐「最佳國際電影」，志偉表示一家人相約了一同於網上收看直播，但他已打定輸數：「都應該唔得㗎啦，因為對手好強，不過入到五強已當贏，佢已經叻過我好多，真係光宗耀祖，其實國祥都好緊張，成家人都戥佢緊張，不過無論贏輸一家人都會慶祝，希望通關後一家人可以去旅行玩幾日。」說到他現在要返工，可要向公司請假？「一生人都唔知咩公眾假期，不過都係走開兩、三日。」
