陳國坤對李小龍暗生憐憫
扮演偶像感受高處不勝寒
陳國坤應邀為楊盼盼主持的《盼你賞面》擔任嘉賓，盼盼更為他炮製「紅燒肉」，還讓他打包帶回家給太太黃伊汶及兒子陳真品嘗。
席間陳國坤大談對偶像李小龍的感受，雖然未見過李小龍真人，但因為一套《精武門》令他對李小龍着迷，「龍哥（李小龍）對我由細到大嘅影響都好特別，細個因為佢，我會周身郁，好有表演慾，到大個咗開始睇佢嘅書，慢慢會鍾意佢嘅世界、佢嘅價值觀，我個人都變得好有正義感。」
入行多年以來，陳國坤演過4次李小龍角色，其中《李小龍傳奇》令他有最大體會，「拍攝7個月，好享受，演了李小龍一生，更加了解李小龍的其他細節，感覺就好似佢陪住我拍咁，對佢嘅了解都一日比一日熟。拍完有少少憐憫佢嘅感覺，發覺佢原來好無助、高處不勝寒。」至於《葉問4》是他所演過的李小龍角色中最滿意的一個，「記得之前《葉問3》，拍完一場踢腳戲後，行過聽到八爺（袁和平）講『小龍（陳國坤花名）啲腳都係差啲』，我聽到好大打擊，即刻同八爺講對唔住，話我會將腳練好。」此外，他又感謝周星馳提拔，能夠參與《少林足球》、《功夫》令他知名度大增。
