胡鴻鈞冀成為粉絲榜樣
性格豁達樂觀值得學習
胡鴻鈞昨日到山頂廣場出席「齊來《整親》刀削麵」歌迷聚會，受「限聚令」影響，活動只招待60多位歌迷，每4人一枱。
活動上胡鴻鈞化身胡師傅為粉絲煮刀削麵，又笑問粉絲：「啲麵要硬啲定軟啲，女仔都係鍾意硬啲。」除了學煮麵給粉絲食，之前媽咪亦有鼓勵他學整甜品，他整過曲奇、蛋糕仔及芝士撻，至於味道如何？他笑言覺得好食，當然他較鍾意別人整給他吃。問到將來的女友如果識煮食會否加分？「之前去澳洲同新西蘭留學，都有學整番茄炒蛋，呢個係我拿手菜，如果女友識煮嘢食就更好，可以彌補我唔識煮嘢呢個缺陷，但又唔會特別着重呢樣。」
經常被指「刀削面」的他，新歌《整親》歌詞大玩自嘲，引來不小回響，「我想藉住自己嘅故事畀正能量大家，喺過程中學識成長，畢竟自己喺呢行一段時間，自己心態要調整，我希望成為fans榜樣。（有何值得fans學習？）我性格豁達，對好多事都樂觀面對，呢個好值得fans學習，因人生有好多唔同難關，心態最重要，要開心過每一日。」問到何時重返星夢娛樂？他表示未知，笑言要忙煮麵，但會盡快落實。
