拍拖周年 鄭俊弘送拜山菊花

  何雁詩接受《StarTalk》節目專訪,大談再推出實體唱片《Que Sera Sera》感受。問到她婚後有什麼是為對方而改變?「Fred(鄭俊弘)為我改變多啲!我哋有好多嘢好唔同,好彩我哋價值觀好似。記得初初拍拖時,叫佢買束花慶祝拍拖一周年,佢竟然買咗拜山嘅菊花,到最近拍拖4周年,佢送咗黃玫瑰畀我,原來黃玫瑰係解分手!」她又自爆有次他們去Car Camping,半夜Fred人有三急,她便為他掘窿讓他方便,「之後我諗點解要幫佢掘,明明佢自己可以做,由此證明我真係好鍾意佢!」