錢嘉樂扮死屍瞓足3日
香港動作特技演員公會會長錢嘉樂及會員谷軒昭、陳俊峰、何佩珉作客楊盼盼主持的香港開電視節目《盼你賞面》，分享入行辛酸。嘉樂自爆入行初期曾跟成龍合作《A計劃》，當時他只需要躺在地上扮死屍：「當時成龍大哥拍一條威也戲拍3日，我哋就喺地下扮死屍瞓覺，一瞓就瞓足3日。」盼盼當年入行做武師，也是先要躺地上扮死屍，慢慢開始才有打戲，繼而越打越多。
嘉樂又大讚洪金寶武術功底打得非常好，往日會親自上陣示範動作。谷軒昭就表示：「洪導演度啲嘢，唔Fit係做唔到，所以洪家班個個都好Fit，而袁和平係一個好師傅，樂意聽取意見。」
