全職變兼職 打工仔收入減
飲食業受到疫情嚴重打擊，餐廳需要的人手自然比以往為少。蘭姐在一間燒味小菜餐廳工作近4年，過往一直是長工，月薪14,000元，每天做11小時連1個小時休息，惟她稱自去年中開始被轉做兼職，時薪65元，每天做6至9小時，通常星期五或六因為較多人外出用膳而工時較長。「老闆覺得我過去幾年都好幫得手，所以時薪叫做高出面少少，不過收入始終唔夠全職多，所以要節衣縮食同靠儲蓄生活，希望盡快捱過這個時間，餐廳得我一個洗碗工，所以老闆暫時唔會裁員。」
何先生因今年65歲，去年底被所任職的餐廳解僱，只留下約55歲的女洗碗工。
65歲何先生 被裁逼轉行
「年紀大，加上又不是在這間餐廳做咗好耐，所以被老闆裁走，雖然有跟足勞工法例補足畀我，但只可以支撐到一段短時間，家我周圍搵其他兼職希望可以幫補下，同埋報讀咗僱員再培訓局課程，希望可以考番個保安牌轉行之餘，又無洗碗咁辛苦。」
飲食業職工總會名譽會長郭宏興表示，近年不少連鎖餐廳轉用手機QR CODE讓客人自行落單，但人手不會因此減少太多，因為始終要人手傳菜和執枱。QR CODE可提高落單的準繩度和提高出餐效率，他相信未來餐飲業也會朝着QR CODE落單的方向發展。
