張敬軒籲做好節目 達至雙贏

  為新版《勁歌》作頭炮演出

  由郭偉亮(Eric Kwok)、黃山怡(糖妹)及涂毓麟主持全新形式的《勁歌金曲》前晚進行首集錄影,近30位歌手參與演出,包括張敬軒、胡鴻鈞、衛蘭、衛詩、李幸倪、林奕匡、馮允謙、林欣彤、王灝兒及何雁詩等,而副總經理曾志偉及星夢CEO何麗全亦有到場支持。

  張敬軒表示很久未試過跟如此多歌手一起演出,更碰見舊唱片公司的同事,覺得無論台上或台下也很精彩。他又稱香港音樂或娛樂圈不只得藝人,近年見到很多行內人轉行,有的賣凍肉,雖然搵錢比以前多,但這行始終有種魔力有種夢想,希望疫情好轉後,鍾意這行的人會返來,帶來更好的節目。對於新版《勁歌》與ViuTV節目《Chill Club》對撼,軒仔認為播放節目時段是黃金時間,無論對哪個電視台都很重要,這亦是一個很好訊號,證明大家重視音樂。說到他為首集節目打頭炮演出?「唔好咁講,一個好節目好睇唔係一個人,係大家齊心協力去做,最緊要音樂節目尊重音樂,節目做得好最大得益係觀眾,作為歌手又可以多個宣傳渠道。」

  胡鴻鈞自爆見軒仔心動

  胡鴻鈞前日拍完新劇《十月初五的月光》晚上即趕來為節目擔任嘉賓,他說:「好開心見到皇上(張敬軒),好緊張,每次見親佢都有心動嘅感覺,因為佢係我偶像,我未出道已經鍾意佢,每次見到佢都好似小粉絲一樣。」日前生日的他表示生日願望是希望能與偶像合作,無論唱歌、拍劇也可以。問到緋聞女友蔡思貝可有為他慶祝?「佢同我講咗句生日快樂,同埋叫我加油拍劇。」談到思貝近日買車位,「恭喜佢做車位業主。(會否送新車給她?)我有錢都自己換車先啦。(希望佢點同你補祝生日?)叫佢送咗個車位畀我,或者畀張相我望吓,等我羨慕吓都好。」訪問完畢後,他上前跟偶像軒仔合照,軒仔又搭膊及拉住他的手,胡鴻鈞就顯得有點怕醜。

  衛蘭與孖生妹妹衛詩齊上節目獻唱,衛詩透露當晚會唱出新歌《面對後悔的各種方法》,並即場被其他歌手評價,「算係第一次(被評價),都緊張,有少少壓力,我一直都有練歌,但因為疫情少上台唱歌。」衛蘭表示頗鍾意這個新穎模式,相信會好玩。又指妹妹食飯時有唱新歌給她聽,覺得妹妹已唱得好好。