胡杏兒宣布封肚 不追女
連生3子細仔復活節前出世
41歲的胡杏兒於2015年與李乘德（Philip）結婚，並先後為老公誕下長子李奕霆及次子李奕霖，昨日她宣布細仔李奕宏（Liam）已順利出世，並形容細仔的樣子完全是大哥和二哥的混合體。對於連續3胎都生仔，杏兒坦言會「收山」不再追女兒，因需要時間悉心照顧、教導及培養孩子們。
第3度做媽媽的杏兒於昨日下午13點14分在社交平台公布喜訊寫道：「是的，又是男孩！Liam李奕宏來了」更分享長子及次子望著弟弟的照片，以及她兩公婆與3個囝囝的手掌合照，十分溫馨。對於揀在13點14分公布喜訊，大家都估計這可能是Liam 的出生時間？杏兒否認說：「唔係BB出世時間，1314一生一世係我同老公想要表達愛護3個小孩一生一世嘅寓意。」對於今胎未能追女成功，杏兒說：「都要收山嘞， 始終需要時間悉心照顧、教導，培養孩子們，其實生男或女都唔緊要，最緊要佢哋健康、快樂成長。」
Liam中文名按族譜而改
杏兒現時正在家中坐月，她表示細仔其實於復活節前已經出世，不過湊BB太忙，所以到昨日才公布：「多謝大家嘅祝福！無諗過佢咁重，都8磅幾，係順產嘅，生佢都少少辛苦，因為佢大隻，但辛苦也值得。今次老公都入到產房陪我，BB似哥哥同2哥哥嘅混合體。兩個哥哥見到弟弟都好開心、好新奇，爭住去錫佢、睇佢，家BB都好乖，好易湊，不過驚佢『小器』呀！」而再做爸爸的Philip亦在社交平台晒出手持BB籃的父子合照，並表示細仔英文名Liam是「堅決的保護者」的意思，中文名則按族譜而改。
