家燕姐獲志偉承諾 節目年尾回歸
71歲生日為《流行經典》壓軸錄映
薛家燕、曹永廉、鄭俊弘及譚嘉儀主持的《流行經典50年》前晚錄映最後一集，適逢當晚是家燕姐71歲生日，工作人員送上生日蛋糕，而無綫副總經理曾志偉更特別到錄影廠，聯同一眾出席藝人以及家燕姐3位子女為她唱生日歌慶祝，志偉並承諾節目會於年尾回歸。
當晚邀得多位嘉賓亮相，包括胡楓（修哥）、馬德鐘、王君馨、劉佩玥（Moon）、王馨平、湯寶如及楊思琦等參與壓軸錄影。台上一眾主持及嘉賓輪流講出感受，主持節目4年的家燕姐坦言有些不捨，但知道志偉有心搞好音樂同綜藝是好事，當然要支持。志偉除了向家燕姐送上祝福，並向她承諾：「一定唔會係最後一集，你睇家燕姐條事業線咁長，梗係有排做啦！」雖然生日要開工，但喜歡熱鬧的家燕姐卻不介意，還很高興能與一班朋友及昔日主持聚首，覺得似做生日般，好興奮。她又透露日前已跟家人提早食飯慶祝了，至於生日願望，她希望身體健康外，屋企繼續有喜事、兒孫滿堂，以及疫情盡快過去。問到男友可有送禮？她表示由於全日返電視城錄影節目，可能返到屋企會收到禮物。又稱已收到修哥送的順產湯水食譜，她可以回家教工人姐姐煮給新抱喝。
劉佩玥展示另一個Moon
馬德鐘表示家燕姐是其幸運星，他說：「之前兩次都度唔到期，今次家燕姐打電話畀我就好順利度到期上節目，趕到尾班車做嘉賓。」當晚他除了與家燕姐合唱《緣份》，並會獨唱《我只在乎你》，因妻兒都很喜歡這首歌，「我未唱過呢首歌，答應上節目後都有練歌，希望唔會失禮。」同樣是首次上該節目的Moon，與主持之一的譚嘉儀合唱《信者得愛》，她坦言之前未唱過這首歌，還要跳舞，認真考起她：「我唔識跳舞，喺公司排練咗兩日，又拍片返屋企逐格慢慢重播跟住練，希望睇到另一個唔一樣嘅Moon。」王君馨是應鄭俊弘手機群組號召，跟當年《星夢傳奇》的參賽藝人齊齊上節目，她很開心大家一呼百應，即時報名，並慨嘆說：「我哋參加比賽已經係8年前，時間過得好快，有啲人已結咗婚，有啲人做咗媽咪，當年大家都好火熱追逐歌星夢，我上年都做咗獨立歌手，但已經變成上一代星夢，期待新一代星夢有好發展。」
