每次食飯在枱底夾腳趾
高海寧爆父母恩愛舉動
高海寧（高Ling）、胡諾言及周志康昨出席第11屆《戒煙大贏家無煙社區計劃頒獎禮》，並分享吸煙的禍害及戒煙的好處。
高Ling表示爸爸十幾歲便開始吸煙，吸了30幾年，由於他不停咳同有好多痰，弟弟又有嚴重鼻敏感，她聞到煙味又不停打乞嗤，所以幾年前爸爸下定決心戒煙，她大讚說：「佢好堅持，自從決心戒煙之後冇反覆受煙嘅誘惑，所以我哋都覺得佢好叻。」雖然爸爸戒煙後身形圓潤咗，但她會跟他一齊做運動，陪他行山，媽咪就會陪他去游水，「爸媽多年來都好恩愛，每次食飯佢哋都會喺枱底夾腳趾。（你會否要求男友都同你夾住腳趾食飯？）呢啲係個人喜好嚟嘅，但係我仲未識得夾腳趾，不過都希望好似爸媽咁恩愛。」至於她經常捱更抵夜開工，可曾受引誘吸煙提神？她指同事知她不吸煙，吸煙時反而會避開她。
胡諾言表示有時拍完一場戲，同事都會抽「事後煙」兼交流，但不吸煙的他覺得可以去坐低飲杯嘢及有其他方法交流。他又慶幸家中沒人抽煙，認為這樣對下一代都好。
