單文柔搞網上生意方便湊女

  曾是《Think big天地》主持的單文柔,自誕下女兒「小豬比」已辭任主持工作,昨日重遊「舊地」雖有點陌生,但見到大家又很開心似敘舊。問她會否重返節目?「自己都好想工作,但要湊女,個女家兩歲開始好好玩,會模仿爸爸講說話同動作,自己唔捨得丟低佢。(會否再生多個?)都有諗,家已有一個『大仔(老公陳展鵬)』同一個女,可能遲啲先。」她又透露最近跟朋友洽談合作搞網上小生意,既可賺錢,又可多點時間照顧女兒。至於會否做KOL?她表示主要想分享一下湊小朋友的經驗。問到會否讓女兒出鏡?她謂要先問准老公,「其實個女唔怕陌生人,不過都會同展鵬商量,睇件事對個女有冇幫助,同埋會諗個女感受,會問展鵬先,OK就做。」