Gin Lee擇偶靠愛貓把關
貓觀感強識分好人壞人
Gin Lee（李幸倪）日前參與時裝品牌聯乘「香港拯救貓狗協會」項目拍攝廣告，宣揚「領養不棄養」信息，品牌更會捐出部分收益，為遺棄動物出一分力！廣告中她自願做「配角」，被「主子」小貓搶盡風頭。為令貓「主子」選中自己，她要使出渾身解數討好貓貓。她笑言自己做慣「奴才」，逗貓完全沒難度：「屋企都有位主子『杏仁糊』，平時放假都要剷便便、梳毛一腳踢，開完餐又要陪摸、陪玩、陪瞓，聽到佢『煲水聲』就係最大回報。」拍攝期間貓貓非常「滿意」Gin Lee表現，不時「挨挨??」任摸唔嬲，「可能我前世都係貓貓，要氹貓完全冇難度！其實寵物同主人都係由信任建立關係，喺我屋企貓貓地位好高，以前試過有啲男仔想追我，但係過唔到屋企位主子呢一關，所以都冇一齊到。因為貓嘅觀感好強、好單純，佢哋好易睇得出呢個係好人定壞人，所以要做我屋企人，要過貓貓呢關先得。」
