曹永廉接種疫苗前先驗身
心臟有事再加家族遺傳病
港府擴大疫苗接種組別，新接種組別分別為30至59歲人士、16歲或以上海外留學生及家庭傭工。演藝界對於疫苗接種各有不同睇法，曹永廉因工作關係經常接觸很多人，都會考慮接種疫苗，並首選科興：「但我之前心臟有事，又有啲家族遺傳病，所以都要去驗清楚先去打，（近日科興好多負面報道？）隻隻疫苗都有可能有唔好嘅副作用，自己唔會特別擔心，但都會問清楚家庭醫生，希望有時間去驗身。」56歲的黎燕珊表示為了個人健康一定會接種疫苗，但近日有不少關於接種疫苗後的負面報道，令她暫緩腳步，「自己雖然冇長期病患，但都想睇多啲報告先，我想打「復必泰」，但會問家庭醫生先，仔女都話要睇吓邊隻疫苗報告最少副作用先決定打邊隻。」她亦會叫家傭去接種疫苗。
快將71歲的薛家燕，早年患過大病後更加注重身體健康，她說：「想先做咗身體檢查，等醫生畀意見再作決定，至於打邊隻疫苗就冇去諗，等醫生安排。」丁子朗雖然未到30歲，但都有考慮接種疫苗，「有好多唔同聲音、意見，都係睇定啲先再決定。」
