李施嬅承認已半同居
受疫情影響未定婚期
李施嬅早前「報喜」被圈外男友車崇健（Anson Cha）求婚成功，昨日她首度公開露面出席《京燒清水燒展》，因受疫情影響，她表示註冊及婚禮未能確定日子，又謂自己家人在加拿大，未婚夫家人則在美國，所以暫時仍未知在哪裏舉行婚禮，「都希望喺香港舉行，但要睇情況，希望今年舉行，不然便要明年先搞了。」她又謂已互相認定對方是終身伴侶，結婚儀式是為家人去搞，對他倆來說不是太重要，她又笑言：「我家姐都係最近宣布結婚，佢嘅婚期亦都比我早，幾叻女，爸爸係最開心，因為一次過嫁晒啲女，哈哈！」說到他們拍拖4年保密度甚高，她也覺得自己好勁，提到求婚過程，「我哋去美國潛水，佢喺水底突然拎出一隻戒指向我求婚，我覺得好有心思，因佢知我鍾意海，求婚時沒有花，但側邊有好多鯊魚，我覺得佢係一個好男仔。」有指其未婚夫是周潤發、郭富城等人的私人健身教練，施嬅只肯透露對方是好叻教練，有好多藝人學生，其他便不多說，但強調自己非他學生。至於欣賞未婚夫什麼？「佢個人好簡單、細心，好錫我，佢好支持我追求夢想，不過佢唔鍾意懶人，所以未來一世我都要好勤力。（造人一樣勤力？ ）順其自然啦！」又承認已在半同居狀態。
