陳展鵬重踏錄音室唔識唱歌

  回歸樂壇的陳展鵬接受娛樂新聞台主播許文軒訪問,暢談重拾歌手夢感受,「當年做歌手嘅心態好強烈,但完全唔知做歌手有什麼需要,入錄音室見到一位歌手打鼓彈結他,我就什麼樂器都唔識。跟同期歌手如陳奕迅、謝霆鋒出騷,每次到我上台都會願主保佑,好大壓力!慢慢驚咗做歌手。」談到新歌《零歲》與監製舒文合作,他直言替對方辛苦,因好像在教新人,「我好似完全唔識唱歌咁,邊度抖氣、邊度用力都唔啱,令自己好迷失,要慢慢返屋企做功課同練歌。」