無綫高層現身探班
張敬軒亮相《勁歌》
張敬軒昨到電視城錄影《勁歌金曲》，錄畢後，無綫高層樂易玲及星夢CEO何麗全現身探班，令他大感驚喜。
年多時間沒上《勁歌 》的軒仔，透露今集節目將以他為主，儼如小型演唱會。談到他現時可亮相各電視台，「時代唔同咗，好似我做餐廳、婚紗店、錄音室生意咁，百花齊放至有得做。」他又稱今年會多放時間在唱歌上，因經歷過疫情後大家都需要音樂療癒。問他可想唱劇集主題曲？「以前我都唱過劇集《盛世仁傑》主題曲，（想唔想再唱？）睇劇本，我鍾意唱古裝劇，（有興趣拍劇？）我客串過《四葉草》，家草都變咗樹，我個人比較鍾意拍古裝，以前都想過叫化妝師幫我黐頭套嚟睇吓，不過吊威吔就差啲，試過拍廣告吊足10個鐘，真係個個部位都痛，對身體各功能都擔心。」提到好友容祖兒在內地插傷手要入院縫針，「睇到都痛，叫咗北京啲同事買去疤膏畀佢嘞，佢工作好投入，但平時生活就粗心大意，好彩唔係塊面，可能佢好掛住媽咪，如果媽咪喺身邊會好啲，總之比賽還比賽，安全第一。」
