林夏薇冀再唱劇集主題曲
出埠登台不想做一曲歌后
林夏薇（薇薇）與張子丰前晚為敖嘉年主持的網上直播節目《星級靚聲演唱廳》做嘉賓，薇薇因近年少有獻唱，為保持水準事前都要上堂學唱歌惡補，希望畀觀眾留下好印象。張子丰近日正忙於拍攝劇集《青春不要臉》，他指近兩年甚少音樂上的工作：「上年連出歌都冇，今年重新來過。」
談到曾志偉返無綫大搞綜藝節目，問薇薇會否期待有更多發展？她說：「我希望作多方面發展，對我嚟講都係以拍劇為主，如果有機會唱劇集主題曲就更好，我當年都唱過《單戀雙城》主題曲，仲攞咗歌曲獎，但之後就冇機會再唱，每次去登台大家都會點呢首歌，都想有第二首新歌，唔使變成一曲歌后。」問她可有見過堂兄林峯的女兒？她指從未見過真人，只看過相片，「因為疫情，我都冇見過林峯，我連自己父母都冇見過，佢個BB女就更加未見過，我都係睇相，之前我買咗份禮物畀BB，到家仲未送到畀佢，件衫仔已經買大咗個碼，希望送到畀佢嘅時候仲啱着。」另外，薇薇表示近日食店重開夜市，旗下的食店生意已有好轉，影響不算太大。
