譚耀文冀多些人有工開
譚耀文、吳卓羲與林曉峰（阿Lo）昨出席新戲開鏡拜神儀式，二人異口同聲表示電影市道在農曆新年後轉好，阿譚謂：「過年後好一些，希望多些人有工開，拍多些不同形式電影，有助電影業蓬勃，所以希望大家在防疫上聽話守規矩。」阿Lo笑着和應：「香港電影應該會再蓬勃，你看在內地發展不錯的譚耀文和吳卓羲都回來拍戲，一定得啦！」
有傳阿Lo的17歲大仔林寶有意入行，阿Lo表示：「他只是幫做設計師的朋友客串做模特兒，阿仔睇得好清楚，就算入行係咪真係有工作？況且這個時候應該先讀書，就算入行冇理由唔益我家姐（林珊珊）㗎，不過我希望林建岳先生捧佢，林生先係大老闆，我兩個仔都見過林生，我都成日帶自己見林生㗎，哈哈！」
