關智斌：佢哋以為入咗結界
新碟古怪造型嚇喊細路
關智斌（Kenny）的全新專輯《前面是新的歲月記得走下去》今日面世，有見在這段時間面對很多不確定因素，Kenny藉着大碟名稱跟大家互勉，無論面前如何困難，都要正面積極向前行。
Kenny相隔多年再次推出專輯，並花上一年時間籌備，他在新碟中參與度極高，每一首歌都有他的想法，將自己鮮為人知的一面通過音樂演繹出來。他透露專輯名稱來自碟中最後一首派台歌《隱形人》，首句歌詞「前面是新的歲月記得走下去」，他說：「我對呢一句特別有感覺，呢段時間大家對前景感到迷惘、好多不確定嘅因素，所以呢句歌詞係畀自己一個鼓勵，亦想勉勵大家。」
每個造型代表一首歌
碟中Kenny有多個華麗、誇張、前衛的獨特造型，原來是他刻意經營，每個造型代表一首歌，專輯共收錄5首歌曲，《頭頂有角》造型貼近歌詞「一切古怪的或是亦極具特色」比較大膽；《日月》造型上，Kenny化身太陽及月亮；《暫定》亦套用了歌詞「寂寞了分一半眼淚，渡過嚴寒便分一半睡床被窩」，以一半華麗、一半破舊糜爛展示；《隱形人》則以保鮮紙包裹着身體。在眾多造型中，Kenny自言最喜歡《乾爹》：「今次設計團隊全部都係20歲出頭嘅年輕人。大家睇到白色一幢幢大廈嘅『孤獨城』係佢哋用鞋盒、紙盒砌出嚟，好有才華，加上攝影師以廣角鏡去呈現一個好獨特角度、一個好詭異嘅寂寞世界。」
今次唱片封套於大霧山一間空置大屋拍攝，拍攝時間很早，期間引來不少行山人士及小朋友注目，當中更發生不少趣事，Kenny說：「有好多行山人士會經過我哋拍攝間屋，因為我啲衫都比較誇張，我記得有啲小朋友畀我嚇到喊，特別係『頭頂有角』嘅造型，因為嗰個時間，再加埋我着到咁奇特，可能佢哋以為入咗結界，哈哈！同埋好記得入黑之後，整間屋嘅感覺同日頭完全兩回事，所以大家都馬上加快速度拍攝，趕住收工返屋企。」
