黎燕珊攜子分享喜悅
獲贈長洲櫻花樹命名
近日香港疫情稍為放緩，亦是春天開花日子，黎燕珊（珊姐）與龐景峰日前專程到長洲出席《長洲櫻花賞綠化日活動》，兩人參觀櫻花公園，並為花園剪草及施肥，更獲大會送贈每人一棵櫻花樹命名留念。
今次活動由邱達偉及女兒邱詠雅所辦，因已故契爺邱德根的緣故，所以珊姐義不容辭支持活動，今次更與兒子劉德權同行，主要想睇睇用自己命名的「黎燕珊櫻花樹」，她說：「大家今年未能到日本賞櫻，都可以爭取開花時間來長洲欣賞。尤其要讚長洲婦女會好有心思，將廚餘回收之後再轉化為肥料用作施肥，所以大家欣賞櫻花時都要了解背後的心意。」
龐景峰雖然經常周遊列國，原來卻是人生第一次在亞洲睇到櫻花盛放，他透露在2018年山竹颱風之後，曾入長洲做義工幫手移走被吹塌的樹木，今次再到關公忠義亭已變成長洲後花園，對於獲贈一棵櫻花樹的命名，他說：「真沒想過自己會有棵樹，希望大家都珍惜大自然，我會再帶女友和狗仔來一齊分享我的喜悅！」
