王浩信被囡囡視作兄弟
王浩信、陳豪和鄭丹瑞（旦哥）3位爸爸級藝人，日前接受《Tiger's Talk》的主持人伍詠薇和林盛斌（Bob）訪問，以宣傳將在myTV gold上架的劇集《非凡三俠》，王浩信和陳豪自爆在孩子口中有另一個稱呼，王浩信女兒會叫爸爸做Bro（兄弟），陳豪則搞笑指被子女叫錯做姐姐，可見他對小朋友是任勞任怨，是個24孝爹哋！
罕談家事的王浩信破例大談與8歲女兒的父女關係要好，他謂：「我哋個世界都仲係一齊，大家會傾心事，會一齊去做運動、睇書、打機，佢學識游水同踩單車都係我親自教佢，有時佢直情唔小心叫我做Bro（兄弟）。」同樣是爸爸的Bob羨慕不已，他笑指家中4個小朋友經常錯叫他做「媽咪」，難免醋意大發，陳豪仲搞笑：「你都好啦叫媽咪，我啲小朋友叫錯我做姐姐，佢哋有時口快快！哈哈」
陳豪負責教子女中文
陳豪的3個小朋友分別6歲、5歲和4歲，對於他三年抱三，連Bob都讚他厲害，陳豪即時面紅說：「唔係刻意，不過一行埋就有……」他認為談論子女間的溝通還早，因大仔才剛剛升上一年班，他說：「佢學緊游水，我哋先經歷到佢唔可以再入女廁等媽咪幫忙，變相游完水要自己識得沖涼，慢慢去學，佢仲係好細個。游水就交畀教練教，讀書寫字，特別係中文字就我教，冇辦法，屋企得我一個識中文，起碼學識寫自己名字。」
至於旦哥的兩個女兒已經快滿30歲，他表示兩個女10歲左右，太太就慢慢教佢哋飲酒，並自言是開通爸爸，細女學鋼管舞都非常鼓勵，甚至一家三口去捧女兒場，「起初都冇乜事，突然扯開衫褲着T-back加Bra Top，我同老婆嚇一跳……完騷就梗係照樣話跳得好好睇，Very Good，不過之後就唔會再去睇。」問到能否接受女兒帶男友回家的一刻？浩信唉聲嘆氣說：「我家就係想維持Bro（兄弟）關係，將來真係拍拖都唔好離我太遠，被人hurt完都返嚟話我知，等我開解佢，唔好自己匿埋。由細細個開始建立友誼，可能將來佢去蘭桂坊會帶埋我呢？」身旁的旦哥不禁冷笑潑冷水。
