49歲牛一獨留內地拍電影 朱茵獲老公隔空唱生日歌
朱茵近日為電影《雨打芭蕉》長駐內地開工，無奈與老公黃貫中（Paul）和愛女黃鶯分隔兩地，前日是她49歲生日，雖然要在拍攝中度過，但老公早已「遙距送禮」，「囡囡同老公向來都好重視我生日，噚晚我收夜，收工已經到咗生日，不過因為網絡問題，接唔到老公電話，令佢好焦急咁搵我，最後佢唱咗生日歌畀我聽，今日亦都唱咗，所以我帶住愉快嘅心情開工。」
到了昨日劇組也為她送上「驚」喜，「成組人叫我入房，好嚴肅咁同我講，今日嘅戲要重拍，佢哋仲差啲發火！點知工作人員突然播咗段片，內容係《雨打芭蕉》嘅劇照、我喺片場嘅快樂片段，令我好感動。」該片還有數天便煞科，與劇組朝夕相對接近一個月的朱茵已直呼不捨！而今次電影是一部以中產家庭為支點，延展出兩個家族、涵蓋3代人的故事，她表示故事喚醒了她的正能量：「人生雖然會遇上唔同嘅風浪，但係我哋並唔會因為呢啲風浪而停止，所以無論前面遇到乜嘢困難，我哋都要勇敢衝過去，前路一定會更好。」至於今年生日願望，朱茵坦言將願望留給《雨》片，祝願電影取得佳績，還表示片中外柔內剛的「吳霜」一角，是她的轉型之作，所以好期待電影上映。
