中原360度VR睇樓 美聯AI智能推薦
樓盤App鬥出位 搵屋免頻撲
香港房屋供應少、樓價貴，已連續第9年成為全球最難負擔樓價的城市，要不吃不喝20.9年才買到樓。不過如果要搵樓租、放盤，途徑卻多多，資訊亦相對公開透明。在疫情下，為減少人與人接觸的染疫風險，各大地產代理都落力催谷手機App，方便一眾「無殼蝸牛」搵樓。本報就比較巿面各大搵樓App的功能，冀助讀者免於四圍頻撲，輕鬆搵樓﹗
首先檢視兩大龍頭地產代理的搵樓App。以記者實際觀察及操作來看，中原地產的搵樓App功能都算齊全，租樓、買樓等功能清晰，部分放盤單位更有360度VR睇樓短片，且有經紀作介紹，亦提供單位附近的街景供參考，附上多個經紀的聯絡方法，一按鍵就可即時WhatsApp聯絡，還有類近單位最近成交個案記錄。
用戶又可透過App即時申請免費按揭轉介服務，連接銀行即時物業估值、按揭計算機，及中原地產的智能助理「中原小睦」作即時查詢，搵樓App亦有推播通知功能，包括樓價變動、屋苑市況及地產相關的新聞等。不過以租樓盤源來看，中原App以大型屋苑為主，單幢洋樓及唐樓等盤源相對較少。
另一搵樓App「美聯筍盤」，功能與中原地產的App相近，但物業搜尋功能較為詳細，包含校網、樓齡、發展商等在內的17個物業搜尋條件，可快捷配對合適盤源。
美聯App另提供地圖搵樓、銀行即時估價、按揭計算機、網上專人客服、 VR睇樓、AI智能推介單位等多項功能。評分方面，有用家就留言稱App中很多所謂「筍盤」疑為假盤源，貴盤才是真盤，及常有廣告彈出等。
